ބަހެއް އުވިގެން ދިޔަނުދިނުމަށްޓަކައި ކުރެވިދާނެ އެންމެ މުހިންމު އެއް ކަމަކީ ތައުލީމީ ނިޒާމުގައި އަމިއްލަ މާދަރީ ބަހުގެ ދައުރު ފުޅާކުރުމެވެ.އިސްކޫލުގައި ކިޔަވައިދިނުމުގަޔާއި އިތުރު ހަރަކާތްތަކުގައި އަމިއްލަ ބަސް ބޭނުންކުރާވަރު އިތުރު ކުރުމުން ކުދިންގެ ބަހުގެ ހުނަރުތައް ތަރައްގީވެއެވެ. އަދި އަމިއްލަ ބަހާއި ބަހުގެ ތާރީޚާއި އަދަބިއްޔާތާއި މެދު ކުދީންނަށް މައުލޫމާތު ލިބުމަކީ ވަރަށް މުހިންމު ކަމެކެވެ.މީގެ ސަބަބުން ކުދީން އެކުދީންގެ އަމިއްލަ ބަހާއި މެދު ފަހުރު ވެރިވާން ދަސްވާނެ އެވެ. އަދި އެކުދީންގެ އަމިއްލަ ނަފްސަށް ކުރާ އިތުބާރު ބޮޑު ވެއެވެ.މިގޮތުން ތިޔަ ދަރިވަރުން ނަށް ބަސް ކުރިއެރުވުމަށް ޓަކައި ކުރެވިދާނެ ވަރަށް ގިނަ ކަންތައް ހުންނާނެއެވެ.މިގޮތުން ބަސް ދިރާސާކޮށް އެބަހާބެހޭ ގަވާއިދު ފޮތާއި ބަސްފޮތް ތައް ލިޔެވިދާނެ އެވެ. މީގެ އިތުރުން ކުރީ ޒަމާނުއްސުރެ އެބަހުން ކިޔައި އުޅޭ ވާހަކަ، ބަނދި، ޅެން ފަރިހި ފަދަ އެއްޗެހި އެއްކޮށް ޝާއިރުކުރުމަކީ ވެސް ކުރެވިދާނެ ކަމެކެވެ.
