ވަތަން ދެކެ ލޯބިވުމަކީ ، އީމާން ކަމުގެ ތެރެއިން ހިމެނޭ ކަމެކެވެ".ކީރިތި ރަސޫލާގެ މި ބަސް ފުޅުން ވަތަނާއި އަގީދާ ގުޅިފައިވާ މިންވަރު ރަނގަޅަށް ދޭހަ ކޮއްދެއެވެ. އެއްވެސް ޝައްކެއް ނެތް ގޮތުގައި އިސްލާމް ދީން އައިސްފައި ވަނީ އިންސާނުންގެ ކިބައިން މިނިވަންކޮށް އިންސާނުން ހެއްދެވި ޚާލިޤުގެ އަޅުން ކަމުގައި ހެދުމަށެވެ. އެހެން ބަހަކުން ބުނާ ނަމަ އިސްލާމް ދީން އައީ، އިންސާނުންނަށް މިނިވަންކަން ހޯދާ ދިނުމަށްޓަކައެވެ.
އިސްލާމްދީން އަޅުގަނޑުމެންނަށް ގެނެސް ދީފައިވާ، މިނިވަން ކަން ދެމެހެއްޓުމަށް ޓަކައި ވަތަނަކަށް ބޭނުން ވެއެވެ.އަޅުގަނޑުމެންގެ މިވަތަން މިނިވަން ކަމުގައި ދަމަހައްޓަންވީ، އެދީނަށް ޓަކައެވެ .އަޅުގަނޑުމެން ގެ ކާބަފައިން އެކަން ކޮއްފައިވާ ގޮތަށެވެ.ޕޯޗުގީޒުންނާއި މަލާބާރީން ފަދަ ދުޝްމަނުން އަޅުގަނޑުމެން ގެ ވަތަނަށް އަރައި ވަތަނުގެ މިނިވަންކަން ނަގާލަން ކުރި މަސައްކަތްތައް ،ނާކާމިޔާބުވެގެން ގޮސްފައި ވަނީ، އަޅުގަނޑުމެންގެ އީމާންކަމާއި ދީން ދެކެ ލޯބިވުމުގާ މަތިވެރި ޚަސީލާގެ ސަބަބުން ނެވެ.ދިވެހި ރާއްޖެ މީހުން އުޅޭ ބިމެއްގެ ގޮތުގައި، ޤައުމުގެ ގޮތުގައި، ތާރީހުން ފެންނަން ފެށީ އިސްލާމް ދީނުގެ މަތިވެރި ނޫރުން މި ފަސްގަނޑު އުޖާލާވި ފަހުން ނޫންތޯއެވެ!
މި ލޮބުވެތި ވަތަން މިނިވަންކަން މަތީ ދަމަހައްޓައި ދެއްވާތޯ އަޅުގަނޑުމެން ކުރާ ދުޢާ އިޖާބަ ވެގެން ވާ ދުޢާއަކަށް ހެދުން އޮތީ އަހަރުމެން ގެ އަތް މަތީގައެވެ.ދުޢާ ކުރުމަކީ މާތް ﷲ އަށް ތަވައްކަލް ކުރުމެވެ.ހަގީގަތުގައި ތަވައްކަލް ކުރުމަކީ ބަހާއި އަމަލުން އެކަން ކުރުމަށް ޓަކާ މަސައްކަތް ކުރުމެވެ.
އީމާން ކަމުގެ ވަރުގަދަ ރޫހުން ، އަޅުގަނޑު މެންގެ ނަފްސުތައް ތާހިރު ކޮށް، އިޚްލާސްތެރި ކަމާއި އެކު، އަޅުގަނޑުމެންގެ އެއްބައިވަންތަ ކަމާއި އެކުވެރިކަން ދެމެހެއްޓުމައް ޓަކާ މަސަކަތް ނުކޮށް މި ލޮބުވެތި ވަތަން މިނިވަން ކަން މަތީ ދެމެހެޓޭނެ ތޯ އެވެ.މި ޒަމާނަކީ، އިސްލާމީ ދުނިޔޭގެ އަމިއްލަ ޝަހްސިޔަތާއި އަމިއްލަ ޘަޤާފަތާއި މުސްލިމުން ބީރައްޓެހި ކުރުމަށްޓަކާ އިސްލާމީ ދުނިޔޭގެ ދުޝްމިނުން މުސްލިމުންނާ އި ދެކޮޅައް ހަނގުރާމަ ތަކެއް ކުރަމުން ގެން ދާ ޒަމާނެކެވެ.މިކަމަށް ޓަކާ ތަފާތު ވަސީލަތްތައް ބޭނުން ކުރާކަން އަހަރުމެން ދަންނަން ޖެހޭނެއެވެ.
