ރޯދަމަހަކީ އަޅުކަމުގެ މައްސަރެކެވެ. ކޮންމެ އަހަރަކު އެއްފަހަރު އަހަރެމެންނާ ބައްދަލްކުރާ މިމަހުގެ ހެޔޮކަން ހޯދުމަށް ބަޔެއްމީހުން އަޅުކަމުގައި ދެމި ތިބޭއިރު އަނެއްބަޔަކު މިތިބެނީ ތަފާތު ކުޅިވަރުތަކުގައި ޝާމިލް ވެގެންނެވެ. ތާސްކުޅުމާއި ރާޒުވާ އާއި އަދިވެސް މިނޫން ކުޅިވަރުތައްކުޅުމަކީ މީމީހުން ބުނާގޮތުގައި ރޯދަ ކުރު ކުރުމުގެ ގޮތުން ކުރާކަންތައްކަމަށެވެ.
.
ރޯދަ ކުރު ކުރުމަށް ހަމަ އެކަނި ކުރެވޭނެ ކަމަކީ ކުޅިވަރުކަމިގައި ބެލުމަކީ އެހާ ރަނގަޅުކަމެއްނޫނެވެ. އެހެނީ ރޯދަމަހުގައި އަދި އެނޫން މަސްތަކުގައިވެސް އަޅުކަން ކުރުމުން އެމީހައަށް ހެޔޮ ސަވާބު ލިބޭނެވެ. އަހަރެމެން ރޯދަމަހުގައި ކުޅިވަރުގައި ޝާމިލުވެގެން ތިބުމުގެ ބަދަލުގައި އަޅުކަންތަކުގައި ޝާމިލްވެގެން ތިބުމަކީ އެކަމުގެ ސަބަބުން ތިމާޔަށް ފައިދާ ކުރާނެކަމެއްކަމީ ޝައްކެއްތޮއްކަމެއްނޫނެވެ
.
ދުނިޔެގެ އެންމެ ބޮޑު ސޯޝަލް ނެޓްވޯކް ކަމަށް ވާ ފޭސްބުކަކީ މިިޒަމާނުގައި އެޔާނުލާ ނުއުޅެވެނެ އެއްޗެކެވެ. އެހެން ނަމަވެސް ހިތާމަޔަކީ ނަމާދު ވަގުތަކުގައިވެސް މިފަދަ ބޮޑެތި ނެޓްވޯކް ބެނުންކުރާ މީހުން އޮންލައިންގައި ތިބޭކަންމެވެ. މިކަމަށް ހެކިދޭއް އެއްކަމަކީ އެމީހުންގެ ސްޓޭޓަސްތައް ގިނަ ފަހަރަށް އަޕްޑޭޓް ކޮށްފައި ހުންނަ ގަޑިއެވެ. ހަމަ ޔަގީނުން ވެސް ކޮންމެ އެއްޗެއްވެސް އޭގެ ޒާތުގައި ގޯސް އެއްޗެއް ނޫނެވެ އެއްޗެއްގެ ފައިދާ ހެޔޮ ގޮތުގައި ނުވަނަ ނުރަނގަޅު ގޮތުގައިވެސް ލިބިގަތުމަކީ އެމީހެއްގެ އަތްމަތީގައި އޮންނަކެމެކެވެ. މިސްލަކަށް މިފަދަ ސޯޝަލް ންޓްވޯކް ތަކުން ހަރަދު ކުޑަކޮށް އެކަކު އެނެކަކާ ވާހަކަ ދައްކާ ހާލު ބަލައި ލިދާނެވެ. އަދި ހަމަ އެހެންމެ ބޭރު ގައުމުތަކުގައި ކިޔަވަން ތިބޭ ނުވަތަ މަސައްކަން ކުރަން އުޅޭ ދިވެހިންނަށް ވެސް އެމީހުންގެ އާއިލާގެ މީހުންނާއި މާބޮޑު ހަރަަދުކުރުމަކާއި ނުލައި ވާހަކަ ދެއްކުމުގެ ފުރުސަތު މި ނެޓް ވޯކް ތަކުން ލިބެއެވެ. ހަމަ ޔަގީނުން ވެސް މިއީ އަންމުނަށް މިކަމުގެ ސަބަބުން އޮތް ލުއި ފައްސޭހައަކަށް މެނުވީ ނުވާނެވެ. އެހެން ނަމަވެސް ހިތާމަޔަކީ މި ފަދަ ތަންތާގައި ހަދާފައި ހުނަ އެޕްލިކޭޝަންތަކަށް މަރުދޭ ބަޔަކުވެސް އެބައުޅޭކަމެވެ. މި މީހުން ބުނާ ގޮތުގައި ރޯދަ މަހު މީހުން މިފަދަ ތަންތަނަށް އޮން ލައިވަނީ ރޯދަ ކުރު ކުރުމުގެ ބެނުމުގައި ކަމަށެވެ. ބަޔެއް މީހުން މިފަދަ ގޭމްތަކަށް އެމީހުން ގެ ޖީބުތަކުން ހަރަދުވެސް ކުރެއެވެ. ވަޒީފާ އަދާ ނުކުރާ ކުޖެއް ނަމަ ބައްޕަގެ ނުވަތަ ބޭބެއްގެ ފޯނު ނުވަތަ ވިސާ ކާދު އެމީހުންނަށް ނައަންގާ ނަގައިގެން ގޭމް ކުޅުމަށް ހަރަދުކުރެއެވެ. މިއީ ވަރަށް ދެރަކަމެކެވެ
ރޯދަ ކުރު ކުރު މަކީ އަޅުގަނޑުގެ ނަޒަރުގައި ގޯސް ކަމެއްނުނެވެ. އެހެންނަށް މިހުރިހާކަންތަކަށް ވުރެ އިސްކަން ދޭވާނީ މި ބަރަކާތްތެރި މަހުގެ ހެޔޮ ދަރުމަޔާއި ސަވާބު ލިބިގަތުމަށެވެ. ކުޅި ވަރު ކުޅުމަކީ ގޯސް ކަމެއް ނޫނެވެ އެހެންނަމަވެސް ނަމާދު ވަގުތު ތަކުގައި ކުޅިވަރުގައި ޝާމިލްގެވެން ތިބުމަކީ އެއްވެސް ހާލެއްގައި ކޮށްގެން ވާނޭ ކަމެއްނޫނެވެ. މާތް ﷲ އަހަރެމެން އެންމެނަށް ހެޔޮ ވިސްނުން ދެއްވައި މި ބަރަކާތްތެރި މަހުގެ ދަރުމައާއި ސާވާބު ލިބި ގަތުމުގެ ހެޔޮ ތައުފީގު ދެއްވާށެވެ.
- އާމީން -
