މި ބަރަކާތްތެރި ރަމަޟާން މަހުގެ ދުވަސްތައް ހަލުވި ކަމާއެކު ވޭތުވަމުންދަނީއެވެ. އަޅުގަނޑަށް އެންމެ ތެދު މައުލޫމާތު ލިޔަންފަސޭހަވާނީ ކުރިމަތީ ހިނގަ ހިނގާ ހުންނަ ކަންކަން ލިޔުނިއްޔާއެވެ. އެގޮތުން ފުރަތަމަ މިބަލައިނަނީ ރަމަޟާން މަހުގެ ކުރިންނާ ފަހުން ދިވެހިންގެ އުޅުންހުންނަގޮތުގެ ވާހަކައަށެވެ. ފަރުޟު ކުރެވިފައިވަނީ ފަސްނަމާދެވެ. ނަމަވެސް ގިނަ ދިވެހިންނަށް މިފަސްނަމާދަކީ ފަރުޟު ކުރެވިގެންނުވާ ނަމާދުތަކެއްހެން ހީވާކަހަލައެވެ..އާދައިގެމަތިން ދުވަހެކެވެ. ފަތިންނަމާދު ކުރަންޖެހެނީ މުދިން މީހާ އެކަންޏެވެ. ކުރާކަމެއް ނުކުރާކަމެއް ބަންގި ގޮވިކަމެއް ނުގޮވާކަމެއްވެސް ނޭގޭމީހުން ގިނަވާނެވެ. މެންދުރު ނަމާދައް ބަލައިލާފިނަމަ ދިހަވަރަކައްމީހުންވެސް ހަމަނުވާދުވަސް ގިނަވާނެވެ. ހުރިހާމީހުންވެސް މެންދުރު ކެއުމުގެ ވަގުތުދިމާކުރަނީ ނަމާދު ވަގުތާއެވެ. ބަންގި ގޮވާއަޑު ނީވެނީ ކަމައްވެދާނެވެ. ނޫނީޖާހިލުކަން ނޫނީ ނުވިސްނެނީތޯއްޗެ!. .
ހަފުތާގެ ތެރެއިން މިއިންނަ އެންމެ ހުކުރުދުވަހުގެ ހުކުރުނަމާދުގެ ހާލަތު އެހެންނަމާދުވަގުތުތަކައްވުރެ އެތައްގުނައެއްރަންގަޅެވެ. ވަގުތު ޖެހެންވާއިރަށް އެއްބަޔަކު ތައްޔާރުވެގެން މިސްކިތުގައި އަޅުކަމުގައެވެ. ނަމާދައް ނުދާ ހާލުގައި ސުފުރާމަތީގެ ރިވެތި އަދަބާ ހިލާފުވާ ފަހަރުވެސް އާދެޔެވެ. ހިތާމައިގެ ކޮޅެއްނެތެވެ. މިމީހުންނަށް ހަމަ ނުވިސްނެނީއެވެ. ހުކުރު ނަމާދު ފެށެން ވާއިރައް މިސްކިތްފުރި ބާރުވެ ބޭރުގައި ސަފުތައްހަދައިގެން ނަމާދުގެ އަޅުކަމުގައި ތިބެންޖެހެޔެވެ. ނަމާދުކޮއްލެވުމުން ހިތައްފިނިކަމެއް ލިބިގެން މިސްކިތުން ފައިބައިގެން މެންދުރުގެ ކެއުމައްދާއިރު އެއަށްވުރެ ހިތާމަހުރި މަންޒަރުތަކެއް ދިވެހިންގެ ކިބައިން ފެންނަމުންދެވެ. ގިނަބަޔަކު ނަމާދުން ފައިބައިގެން އަންނައިރުވެސް ކެއުމާ ކައިނިމިގެން ޒުވާން އަންހެންކުދިންނާއެކު ފޮނިމަޖާވާހަކަ ތަކުގައެވެ. އަނެއްބަޔަކު ކައިނިމިގެން އެމީހުން ގަބޫލުކުރާ ހަމައެކަނި ހަމަޖެހުން ލިއްބައިދޭ ސިގިރޭޓް ނުވަތަ ދުންފަރުގެ އިސްތިއުމާލު ކުރުމުގައެވެ. މިމީހުންނައް ވިސްނިގެން މިސްކިތައްގޮސް ނަމާދެއްކުރާނެ ވަގުތެއްހަމަނުވަނީބާވެ. މިމީހުންގެ އުޅުން ހުނަނަނީ ހިޔާލައްގެންނަންވެސް ނުވާނެފަދަގޮތަކަށެވެ. ހެނދުނު ހޭލައިގެން ޑިއުޓީއަށެވެ. ފަތިސްނަމާދުވަގުތު ކައިރިވާއިރުވެސް ކުޅިވަރާމަޖަލުގަ ނުނިދާތިބޭނެޔެ..ހަވީރު ޑިއުޓީ ނިމިގެންވެސް އޮންނާނީ މުނިފޫހި ފިލުވުމުގެ ވަގުތާއި ކާވަގުތުތަކެވެ. އަޅުކަމެއްކުރާނެ ވަގުތެއްހަމަނެތޭ.
ބަރަކާތްތެރި ރަމަޟާންމަސް އަތުވެއްޖެ އެވެ. އެއްކަލަ ބޭކާރުވަގުތު ހޭދަކުރާމީހުންނައް ބޮޑުވޭނެކެވެ. ނުކައިތިބެންޖެހުޏީއެވެ. ނަމާދައްވެސް އަރަންޖެހުނީއެވެ. ރަމަޟާންމަހުގެ ފުރަތަމަދުވަހެވެ. ފަތިންނަމާދައް ދިޔަ މަދުމީސްކޮޅެއްކަމުން މިބަރަކާތްތެރި މަސްކަމެއްނޭގުނެވެ..ރަމަޟާންމަސްކަން އެނގުނީ ހެދުނުގެ ސައިގަޑީގަ ކާތަނުގަ މީހުންމަދުކަމުންނެވެ. ރަށުތެރޭގަ ފަތުއަޑުކިޔާފަ ރަމަޟާންމުބާރިކްކިޔާއަޑާއި ރޯދަދޯއޭކިޔާއަޑެވެ.މެންދުރުނަމާދު ބަންގިގޮވުމާއެކު މިސްކިތްފުރި ޖަމާއަތައްގޮވަންވާއިރަށް ނުދެވިއްޖެމީހަކައް މިސްކިތުއެތެރެއިން ޖާގައެއްނުލިބޭނެވެ.ރަމަޟާންމަސްނިމި އީދުދުވަހުގެ ޢީދުނަމާދާޖެހެންދެންވެސް ދާނީމިހެނެވެ. މިހާ ބާރު ބޮޑުކޮށެވެ..އިޝާނަމާދުންނާއި ތަރާވީހުނަމާދުން މީހުންމަދުވެލާނެވެ. ހޭއަރާށެވެ. ދެންއެހެން ރޯދަމަހެއް އަންނާނެކަމެއް އިނގޭނެ ހަމައެކަކުވެސް މިދުނިޔަކު ނުހުންނާނެއެވެ. މިބަރަކާތްތެރި މަސްސަރުގައިވެސް އަޅުކަމުގެ ކަންކަންމިބަހައްޓަނީ މިހާފަރުވާކުޑަކޮށެވެ. ދެން މިމަސް ނިމުމުން ވާނެ ގޮތްނިކަން ވިސްނާށެވެ.ޢީދު ދުވަހުގެ ޢީދުނަމާދައްފަހު ފަރުވާތެރިކަމާ އީމާންތެރިކަން މަޓީތިބޭ މަދުމީސްކޮޅާ މިސްކިތް ހަވާލުކުރުމައްފަހު އެއްކަލަ ވަރުދައްކާފަ ބަންގީގެއަޑު އިވުމާއެކު މިސްކިތައްއައި މީހުންތައް ގޮސް ވަދެ ތިބެނީ ކޮންތާކު ކަންވެސް ނޭގެއެވެ. މިމީހުންގެ ހާލަތު ހުންނާނެގޮތް ތަސައްވަރުކޮއްލުމަށް އަޅުގަނޑު ދޫކޮއްލާނީ ތިބޭފުޅާގެ އަތްމައްޗަށެވެ.
